Bir il əvvəl ayrılan İrina Şeyk və Tom Bredi yenidən münasibətlərinə şans veriblər. Cütlük romantikalarını yenidən alovlandıraraq, birlikdə vaxt keçirmək qərarına gəlib.
Məşhur rusiyalı model İrina Şeyk və ABŞ-ın Milli Futbol Liqasının ulduzu Tom Bredi bir il əvvəl ayrıldıqları münasibətlərini yenidən canlandırıblar.
Məlumata görə, cütlük bu dəfə hər şeyin necə inkişaf edəcəyini görmək üçün bir araya gəlib. Onların Yeni il tətilində birlikdə səyahət etməyi planlaşdırdıqları da bildirilir.
Şeyk və Bredi qısa müddətli romantikadan sonra 2023-cü ilin oktyabr ayında yollarını ayırdıqlarını elan etmişdilər. Lakin indi onların yenidən yaxınlaşdığı və telefon danışıqları vasitəsilə əlaqə saxladıqları qeyd edilir.
Hələlik münasibətləri ciddi olmasa da, birlikdə vaxt keçirmək üçün yeni imkanlar axtarırlar. Cütlüyün yenidən bir araya gəlməsi onların pərəstişkarları tərəfindən maraqla qarşılanıb.
.png){kind=small}
