Yeşilçamın ulduzu Alzheimer xəstəliyinə tutuldu

Yeşilçam kinematoqrafiyasının tanınmış simalarından biri olan Sevtap Parmanın Alzheimer xəstəsi olduğu məlum olub.

80-ci illərdə bir çox məşhur aktyorla kamera qarşısına keçən Parman anasının ölümündən sonra yaşadığı psixoloji sarsıntılar səbəbindən bu xəstəliyə tutulub. Sevtap Parman, Hakan Ural, İbrahim Tatlısəs, Kadir İnanır, Yalçın Dümer, Tarık Akan və Cüneyt Arkın kimi Yeşilçamın əfsanəvi adları ilə bir çox filmdə rol alıb. Lakin 2011-ci ildə aktyorluq karyerasını tərk edərək ticarət sahəsinə yönəlib.

Habertürk jurnalisti Mehmet Çalışkanın verdiyi məlumata görə, Sevtap Parman bacısı tərəfindən qocalar evinə yerləşdirilib. Həkimlər ona Alzheimer diaqnozu qoyublar.

Bu xəbər, Yeşilçam sevərlərini dərindən kədərləndirib.