2025-ci ildə kinosevərləri gözləyən ən maraqlı filmlər - SİYAHI

2025-ci ildə kino sənayesində böyük yeniliklər gözlənilir və bu il kinosevərlər üçün müxtəlif janrlarda maraqlı filmlər təqdim ediləcək.

Bu ilin ilk böyük ekran işi 3 yanvarda nümayiş olunan "Nosferatu" filmidir. Bram Stokerin "Drakula" romanından ilham alaraq çəkilən bu qorxu filmi, rejissor Robert Eqqers tərəfindən yeni bir şərh ilə təqdim edilir. Baş rollarda Lily-Rose Depp, Nikolas Holt, Uilem Dafoe və Bill Skarsgard yer alır.

Elmi fantastika və qara komediya janrını birləşdirən "Mickey 17" filmi də gözlənilən filmlər arasındadır. Oskar mükafatlı rejissor Bong Joon-Ho tərəfindən çəkilən bu ekran işi, ulduzlararası səyahətləri və qəhrəmanlarının hekayələrini izah edir. Baş rolu Robert Pattinson canlandırır və film 18 apreldə yayımlanacaq.

Colson Whiteheadin romanı əsasında çəkilən "Nikel Boys" filmi, irqçiliyə qarşı mübarizə və məktəb zorakılığına qarşı çıxan gənc bir yeniyetmənin hekayəsini izah edir. Rejissor Ramell Rossun çəkdiyi filmin buraxılış tarixi hələ açıqlanmayıb.

Venesiya Film Festivalında premyerası keçirilən "Babygirl" filmi, Samuel adlı böyük bir şirkətin baş direktoru ilə təcrübəçi arasında başlayan qeyri-qanuni münasibəti izləyir. Nikol Kidman və Romi Harris Dickinsonin baş rollarında olduğu film 24 yanvarda yayımlanacaq.

"The Social Network" filminin davamı olan "Real Pain", Mark Zukerberq və dostlarının hekayəsini izah edir. Baş rollarda Cessi Eyzenberq və Endryu Qarfildin yer aldığı film, 28 fevralda nümayiş olunacaq.

Bob Dilanın həyatından bəhs edən "A Complete Unknown" filmi, 7 fevralda izləyicilərlə görüşəcək. Timati Çalamet, baş rolunda çıxış edir və Monika Barbaro musiqiçi Joan Baez rolunu canlandırır.

Kann Film Festivalında premyerası keçirilən "The Seed of the Sacred Fig" filmi, İranda qadınlara qarşı zorakılıq və gender bərabərsizliyini mövzu alır. Rejissor Məhəmməd Rəsulofun gizli şəkildə çəkdiyi film 10 yanvarda yayımlanacaq.

Danny Boylinin 2002-ci ildəki filminin davamı olan "28 Years Later", 20 iyunda kinoteatrlarda nümayiş olunacaq. Zombi hücumlarından sağ qalmağa çalışan insanların həyatını təsvir edən bu film, Aaron Taylor-Conson və Ralf Finnesin baş rollarında olduğu bir ekran işidir.

"Mission: Impossible - The Final Reckoning" filmində Tom Kruz, Ethan Hant rolunu son dəfə canlandıracaq. Kristofer MakQuari tərəfindən çəkilən film 23 mayda nümayiş olunacaq.

Bundan əlavə, Formula 1 pilotu Lyuis Həmiltonun prodüserliyi ilə çəkilən F1 filmi də gözlənilənlər sırasındadır. Bred Pitt və Xavyer Bardem bu ekran işində baş rolu canlandıracaq və film iyun ayında nümayiş olunacaq.

2025-ci ildə super qəhrəman filmləri arasında "Kapitan Amerika: Cəsur Yeni Dünya", "Supermen" və "Fantastik Dördlük: İlk Addımlar" da kinoteatrlarda izləniləcək.