65 Yaşında Xərçəngi Məğlub Edib Gənc Sevgisi ilə Evləndi
Hollivudun məşhur ulduzu Dolf Lundqren, illərdir davam edən xərçəng mübarizəsindən qalib çıxaraq yeni bir həyat qurub. 65 yaşlı aktyor, ağciyər xərçənginə qarşı apardığı doqquz illik çətin mübarizədən sonra tamamilə sağaldığını elan edib. O, xəstəliyə qalib gəldikdən sonra 27 yaşlı sevgilisi ilə nikah masasına oturub.
AsimanFərzəliyeva 
Hollivudun əfsanəvi aktyorlarından biri olan Dolf Lundqrenin həyatında böyük dəyişikliklər yaşanıb. Xarici mediada yayılan məlumatlara görə, aktyor 2015-ci ildən bəri xərçənglə mübarizə aparırdı. O dövrdə həkimlər Lundqrenə ən yaxşı halda 2-3 il ömür verirdilər.
Lakin idmançı ruhu və mübariz xarakteri ilə tanınan Lundqren bu proqnozları alt-üst edərək, xəstəliyi tamamilə məğlub edib. Aktyor, ağciyərindəki sonuncu şişdən də azad olduğunu və artıq sağlam həyata davam etdiyini bildirib.
Xəstəliyə qalib gəldikdən sonra həyatını yenidən qurmağa qərar verən Lundqren, ötən il 27 yaşlı gənc sevgilisi ilə ailə həyatı quraraq xoşbəxtliyini ikiqat artırıb.
