Sevanna yeni klipi üçün Almaniyanın məşhur rəqqasını gətirdi - Video
Azərbaycanlı müğənni Sevanna, "Follow Me" adlı yeni mahnısı və klipi ilə diqqətləri üzərinə çəkib. Klipin xüsusiyyətlərindən biri isə, Almaniyanın məşhur rəqqası Sergey Misçurenko'nun klipə qatılmasıdır. Sevanna, yeni layihəsində Avropanın tanınmış rəqqası ilə birgə maraqlı bir ekran işi təqdim edir.
D.Sadi 0 10
İfa tərzi və özünəməxsusluğu ilə seçilən Sevanna, “Follow Me” adlı yeni mahnısını və ona çəkdirdiyi klipi təqdim edib. Mahnının musiqisi Ukraynalı hitmeyker İvan Lopuxova, sözləri isə Ranar Musayevə aiddir. Yarı Azərbaycan, yarı ingilis dilində olan mahnının rep hissəsini isə OGB kimi tanınan Orxan Qarabasma ifa edib. Ekran işinin rejissoru və prodüseri isə Ranar Musayevdir.
Klip üçün xüsusi olaraq Almaniyadan məşhur rəqqas Sergey Misçurenko dəvət olunub. O, Avropanın bir çox şoularının iştirakçısıdır. Ekran işində Sevanna ilə rəqqasın səmimi görüntüləri və rəqsi böyük marağa səbəb olub.
Qeyd edək ki, Sevannanın sonuncu layihəsi olan "Yalla Habibi" adlı mahnı və klipi bir müddət əvvəl işıq üzü görmüşdü..jpg)
