Röya Ayxandan 2025-ci ilin İlk Hit Mahnısı –VİDEO

Xalq artisti Röya Ayxan 2025-ci ilin ilk musiqi layihəsini təqdim edib. "Boş Bəhanələr" adlı mahnının sözləri və musiqisi Arif Neymətov və Əli Türkoğluna aiddir. Klipin rejissoru isə Türkiyənin tanınmış rejissoru Halil Güzel olub.

Sevgi balladalarının peşəkar ifaçılarından olan Röya Ayxan bu mahnını da məharətlə ifa edərək dinləyicilərin qəlbini fəth edib. Qəmli sevgi hekayəsi üzərində qurulan klip sadə süjet xəttinə malikdir. Röya klipdə dörd fərqli obrazda çıxış edərək, mahnının duyğusal ab-havasını geyimləri ilə də tamamlayıb.

"Boş Bəhanələr" bütün musiqi platformalarında yayımlanıb, klipi isə müğənninin rəsmi "YouTube" kanalında izləmək mümkündür. Mahnı platformada qısa müddətdə çoxsaylı dinləyici auditoriyası qazanıb və dinləyicilər tərəfindən ilin ilk hiti adlandırılıb.