"Allah bizi belə insanlardan qorusun"-FOTO
Şeyma Subaşı keçmiş ərinin onu manipulyasiya etdiyini və psixoloji nəzarət altında saxladığını bildirib.
AsimanFərzəliyeva 
Türkiyənin məşhur simalarından Şeyma Subaşı, Məhəmməd Əlsaloussi ilə olan 5 aylıq evliliyinin bitmə səbəbini ilk dəfə açıq şəkildə danışıb.
Milli.Az türk mediasına istinadən xəbər verir ki, "YouTube" proqramında şəxsi həyatına dair açıqlamalar verən Subaşı, keçmiş ərinin onu psixoloji manipulyasiyaya məruz qoyduğunu bildirib:
"Güzgüyə baxanda özümü tanımırdım. Öz dəyərlərimi necə bu qədər aşağı sala bilərdim? Bu adamın mənə bunları etməsinə necə icazə verdim?"
Subaşı keçmiş ərinin sosiopatik davranışları olduğunu və hər şeylə insanı aldada biləcəyini iddia edərək belə deyib:
"Allah bizi belə insanlardan qorusun. Bu, mənim ən böyük duamdır."
Xatırladaq ki, Şeyma Subaşı 2023-cü ilin may ayında Məhəmməd Əlsaloussi ilə evlənmiş, lakin 5 ay sonra boşanmışdı.
