Atası həbs olunan Zarinanı dostları tək qoymadı

Aktrisa Zarina Qurbanovanın atası Şahid Qurbanovun həbsindən sonra dostları onu tək qoymayıb. Aktrisanın komanda yoldaşları, o cümlədən müğənni Elgün Hüseynov və tanınmış simalar Ramin Hacıyev və İlkin Misgərli, onun evində bir araya gəlib. Bu görüş barədə müğənni Elgün Hüseynov sosial şəbəkələrdə video paylaşaraq bu anları izləyiciləri ilə bölüşüb.

Xatırladaq ki, Şahid Qurbanov, "Sosial Adaptasiyanın İnkişafına Yardım" İctimai Birliyinin sədri kimi dələduzluqda təqsirləndirilərək mühakimə olunub. Yasamal Rayon Məhkəməsi ona 2 il 3 ay müddətinə azadlığın məhdudlaşdırılması cəzası verib. Şahid Qurbanov, bir neçə nəfərə qarşı dələduzluq əməli törədərək, onların pulunu ələ keçirib.