“Avroviziya-2025”in Aparıcıları Açıqlanıb
"Avroviziya" təşkilatçıları İsveçrənin Bazel şəhərində keçiriləcək müsabiqənin aparıcılarını elan ediblər. Bu il yarışmanı isveçrəli məşhur komediya ustası və teleaparıcı Hazel Brügger ilə 1991-ci ildə "Avroviziya"da İsveçrəni təmsil etmiş Sandra Ştruder aparacaq.
AsimanFərzəliyeva 
Müsabiqə Bazel şəhərindəki St. Yakobşalle arenasında keçiriləcək və "Arena Plus" adlanan xüsusi məkan da şou proqramını izləmək üçün yaradılacaq. Final mərhələsi mayın 17-də, yarımfinal mərhələləri isə 13 və 15 may tarixlərində baş tutacaq. Müsabiqədə dünyanın 38 ölkəsindən nümayəndələr iştirak edəcəklər.
