Aygün Kazımova: "İstəyirsiniz qohum, qonşu olaq"

Xalq artisti Aygün Kazımova ötən gün şəhər məkanlarından birində səhnəyə çıxıb. Gecəni "S.O.S" mahnısı ilə açan Pop kraliçası, bir-birinin ardınca hitlərini səsləndirərək böyük bir coşğu yaratdı. Konsert zamanı tamaşaçılarla söhbət edən Kazımova, onların sevgisinə olan ehtiyacını vurğuladı.

"Hamımızın sevgiyə ehtiyacımız var. Mənim də sizin sevginizə ehtiyacım var. Sizin kimi sevənlərlə milyon, milyard dəfə sizinlə bir dünyaya gəlməyə hazıram. İstəyirsiniz qohum, qonşu olaq. Mən sizin ananız, siz mənim qızım olun. Fərqi yoxdur. Sizinlə bir dünyaya hər zaman gəlməyə varam," deyə, Diva duyğusal bir şəkildə tamaşaçılarına müraciət edib. Tədbirdə Kazımova, həmçinin "Ehtiyacım var" mahnısını da oxuyub.