Pikedən Ayrılarkən Ona Dəstək Olan Məşhurun Adını Açıqladı
Şakira, Jerar Pike ilə ayrıldığı dövrdə ona dəstək olan məşhur şəxs haqqında açıqlama verib. Pop ulduz, "Coldplay" qrupunun solisti Kris Martinin özünə göstərdiyi dəstəyi vurğulayıb.
D.Sadi 
Dünya pop səhnəsinin ulduzu Şakira, "Barselona"nın və İspaniya milli futbol komandasının keçmiş müdafiəçisi Jerar Pike ilə ayrıldığı dönəmdə ona dəstək göstərən məşhurun adını açıqlayıb.
O, bu vaxt ərzində özünə dəstək verən şəxsin "Coldplay" qrupunun solisti Kris Martin olduğunu bildirib. Şakira, "Biz ayrılanda (Jerarı nəzərdə tutur - red.) Kris yanımda idi və ürəyim parçalanmışdı. O, hər gün necə olduğumu yoxlamaq üçün gəlib mənə ruhlandırıcı, güc və müdrik sözlər göndərirdi. Mən onda həyata başqa gözlə baxan, başqalarının ehtiyaclarına həssaslıqla yanaşan və çox həssas bir insan görürəm", - deyə qeyd edib.
Xatırladaq ki, Şakira və Jerar Pike 12 illik münasibətdən sonra ötən yay ayrılıblar. Ayrılıqdan sonra Şakira oğulları Saşa və Milanla birlikdə Mayamiyə köçüb.
