Aytən Səfərova toy adətləri ilə bağlı fikirlərini bölüşdü

Aparıcı Aytən Səfərova, "Xəbər ertəsi" proqramında toy adətləri ilə bağlı maraqlı fikirlərini bildirib. O, əvvəlki illərdəki toy adətləri ilə müasir adətləri müqayisə edərək, bəzi yeni adətlərin sonradan gəldiyini qeyd edib.

"Əvvəllər toya kəllə qənd aparardılar və onu qırıb paylayardılar. İndi isə 5 mərtəbəli plastmas tort gətirirlər," – deyə Səfərova, toy mərasimlərindəki dəyişiklikləri vurğulayıb.

O, həmçinin nişan üzüyü məsələsinə toxunaraq, əvvəl sadə bir üzük olarkən, indi nişan üzüyü ilə yanaşı, toyda taxılan başqa üzük və zinət əşyalarının da əlavə olunduğunu qeyd edib. "Bu adətlər haradan gəldi?" sualını verən aparıcı, 1990-2000-ci illərdə belə dəyişikliklərin olmadığını, sonradan gəldiyini bildirib.