Azərbaycanlı bloqerlər ağır avtomobil qəzasına düşdü-FOTO

İnfluenserlər Mehin Oktaylı və Mesi Rəhman ağır avtomobil qəzasına düşüblər. Hadisə ötən gün səhər saat 8 radələrində İsmayıllı-Şamaxı yolunda baş verib. M.Rəhman öz açıqlamasında qəzanın səbəbini yolun sərt döngələrinə bağlayıb və sürücünün döngəni görə bilməyərək maşının bir neçə dəfə çırpıldığını bildirib. Hadisə nəticəsində Mehinin qabırğasında sınıq yaranıb, Mesi isə alnından, döş qəfəsindən, ayaq və qol nahiyələrindən xəsarət alıb. Qəza nəticəsində digər iki xanım da xəsarət alıb, onlardan birinin başı partlayıb. Xəsarət alan şəxslər dərhal Şamaxı xəstəxanasına çatdırılaraq, Mehin təcili tibbi yardım ilə Bakıya aparılıb. Maşının ön hissəsi ağır zərbələrdən ciddi şəkildə zədələnib.