Bakıda 1-ci “Uşaq Teatr” Festivalı keçiriləcək

2025-ci ilin mart ayının 10-dan 17-dək, Milli Teatr Gününün 152-ci ildönümü münasibətilə Bakıda 1-ci “Uşaq Teatr” Festivalı təşkil ediləcək. Bakı Şəhər Mədəniyyət Baş İdarəsi və Azərbaycan Teatr Xadimləri İttifaqının birgə təşkilatçılığı ilə keçiriləcək festivalda, 6-14 yaş arası uşaqlar üçün nəzərdə tutulan tədbir, milli mədəni irsimizin yaşadılması və gənc nəslin mədəniyyətə olan marağının artırılması məqsədini daşıyır.

Festivalda iştirak edən komandalar 15 nəfərdən ibarət olacaq və təqdim etdikləri Azərbaycan xalq nağılları əsasında 20-35 dəqiqəlik tamaşalar hazırlayacaqlar. Tədbirin məqsədi, həmçinin uşaqların komanda şəklində işləmə bacarıqlarını inkişaf etdirmək, səhnə mədəniyyəti ilə tanış olmalarını təmin etmək və öz istedadlarını nümayiş etdirmələrinə şərait yaratmaqdır.