Beyonsun Çətin Seçimi: Təcavüz İddiaları və Ailə Böhranı
Beyons və Cey Z ilə bağlı son qalmaqalların arxasında ciddi ittihamlar durur. Cey Z-yə qarşı yönələn zorlama ittihamları, onun həyat yoldaşı Beyons üçün çətin bir vəziyyət yaradıb. Ailənin üzləşdiyi bu dramda pop diva ərini dəstəkləməkdə qərarlıdır, lakin bu, onun üçün emosional baxımdan yüklü və ağrılıdır.
D.Sadi 
Məşhur cütlük Cey Z və Beyons arasında yaranan qalmaqal getdikcə böyüyür. Sosial şəbəkələrdə aylardır onların P.Diddinin cinayətlərində şərik olduğu ilə bağlı şayiələr dolaşır. Cey Z-yə qarşı 13 yaşlı bir qızın zorlama ittihamı ilə açılmış məhkəmə iddiası vəziyyəti daha da gərginləşdirib.
Cey Z özü bu ittihamları qəti şəkildə rədd etsə də, Beyons çətin bir seçim qarşısındadır: əri ilə sona qədər qalmaq, yoxsa əri ilə hər hansı bir əlaqəni sonlandırmaq?
Bir insayderin dediyinə görə, Beyons, ərinin və ailəsinin bu vəziyyətdə çətin anlar yaşadığını hiss edir. Xüsusilə, zorlama qurbanının onunla və Cey Z-nin 12 yaşlı qızı Blu Ayvi ilə təxminən eyni yaşda olması Beyons üçün böyük narahatlıq yaradıb.
“Müğənni ərinə qarşı irəli sürülən ittihamlardan çox üzülür və narahatdır. Ona 1000 faiz inanır, amma bu, həm də çox streslidir. İctimaiyyətin gözü qarşısında yaşanır və ən əsası, bu ittiham edən qızın yaşına yaxın bir qızı olan bir ana üçün bu, böyük bir ürək ağrısıdır,” - mənbə bildirib.
Bütün bu təcrübələr və boşanma ilə bağlı yayılan söz-söhbətlərə baxmayaraq, Beyons hələ də ərindən ayrılmağa tələsmir və həyat yoldaşına dəstək olmağa çalışır.
