Məşhur müğənni Rafet El Roman, illər öncə məşhur “Aşk-ı Virane” mahnısını birlikdə ifa etdiyi Yusuf Güney haqqında maraqlı fikirlər səsləndirib. Rafet, Yusufun musiqi dünyasına daxil olma hekayəsini, əməkdaşlıqlarının uğurlarını və onun xarakterindəki fərqlilikləri diqqətə çatdırıb. El Roman bildirib ki, Yusuf çox istedadlı olsa da, xarakteri və hazırkı fəaliyyət sahələri ilə fərqlənir. O, Güneyə musiqiyə qayıdaraq bu sahədə özünü yenidən təsdiq etməyi tövsiyə edib. Rafet hətta Güneyə yadplanetlilərdən ilhamlanaraq yeni bir mahnı yazmağı məsləhət görüb.
Məşhur müğənni Rafet El Roman, 2008-ci ildə “Aşk-ı Virane” mahnısını birgə ifa etdiyi Yusuf Güney haqqında maraqlı fikirlər səsləndirib. Yusufun musiqi dünyasına daxil olma hekayəsini danışan El Roman qeyd edib ki, gənc müğənni onun diqqətini öz mahnısı ilə çəkərək əməkdaşlıq qurmağı bacarıb.
“Mənim kulisimə gəlib öz mahnısını oxudu. İstedadına heyran qaldım və birlikdə oxumağa qərar verdik. Bu əməkdaşlıq 5 il davam etdi və böyük uğurlar qazandıq,” – deyə Rafet xatırladıb.
Lakin Yusuf Güneyin xarakterindəki bəzi xüsusiyyətlər Rafetin diqqətindən yayınmayıb. Müğənni onu “əsəb problemi olan biri” kimi təsvir edərək, tez-tez müxtəlif insanlarla mübahisə etdiyini bildirib.
Son zamanlar yadplanetlilərlə bağlı açıqlamaları ilə diqqət çəkən Yusuf Güney haqqında El Roman belə deyib: “O, indi fərqli bir sahədədir. Amma mən yenə də onun çox istedadlı olduğuna inanıram. Ümid edirəm ki, musiqiyə qayıdar və yenidən özünü sübut edər.”
Rafet hətta Güneyə yadplanetlilərdən ilhamlanaraq yeni bir mahnı yazmasını tövsiyə edib.
AsimanFərzəliyeva 
