Bülent Ersoy “Altın Kelebek”də Yaşıl İlan Libasında Hamını Təəccübləndirdi
50-ci dəfə keçirilən “Altın Kelebek” mükafatlandırma gecəsində Bülent Ersoy, yaşıl ilan libasında bütün diqqətləri üzərinə çəkməyi bacarıb. Diva, həm də şəxsi həyatı və mübarizəsi haqqında duyğusal çıxışı ilə izləyiciləri heyrətləndirib.
AsimanFərzəliyeva 
Dünən gecə İstanbulda keçirilən “Altın Kelebek” mükafatlandırma mərasimində Bülent Ersoy, yaşıl ilan ili mövzusunda seçdiyi dəbdəbəli yaşıl libası ilə diqqətləri üzərinə çəkdi. 50-ci buraxılışda iştirak edən diva, həm görünüşü, həm də çıxışı ilə gecənin ulduzuna çevrildi.
Çıxışı zamanı Ersoy, “Ömrümün 50 ilini Bülent Ərsoy markasına adayan biriyəm. 50 il boyunca çox üzüntü yaşadım, amma həmişə səbr etdiyim və şükür etdiyim üçün burada oldum. Bir çox ölkədən vətəndaşlıq təklifləri gəldi, amma heç birini qəbul etmədim. Çünki mənim uğurum, türk millətinin sayəsindədir,” deyərək öz həyatını və mübarizəsini izah etdi.
74 yaşında olduğunu qeyd edən Bülent Ersoy, bundan sonra özünə rəqib və mübahisə edəcək birinin olmayacağını bildirdi: "Hər şeyin ən gözəlini yaşadım və alnımın təri ilə qazandığım pulları yedim," deyə əlavə etdi.
