Demet Evgar: "Qadınların Haqları Nə Zaman Bərabərləşəcək?"-FOTOLAR
Türk aktrisası Demet Evgar, "Altın Kelebek" mükafatlarında ən yaxşı qadın aktrisası mükafatını qazanaraq, kişilərin üstünlük təşkil etdiyi cəmiyyət məsələlərinə diqqət çəkib. Onun sosial şəbəkələrdə geniş müzakirə olunan çıxışı, qadın hüquqları və bərabərliyinin təmin edilməsi zərurətini vurğulayıb.
AsimanFərzəliyeva 
Türkiyənin məşhur aktrisası Demet Evgar, "Altın Kelebek" mükafatlarında ən yaxşı qadın aktrisası mükafatını qazandıqdan sonra, cəmiyyətdəki gender bərabərsizliyi və qadınların hüquqları haqqında cəsarətli fikirlərini dilə gətirib.
Evgar, çıxışında kişilərin cəmiyyətdə daha üstün olduğunu və bunun qadınların həyatını necə təsir etdiyini vurğulayıb. O, belə deyib: “Mən Demet Evgar deyil, Mehmet Evgar olsaydım, həyatım çox asan olardı. Kişinin güvən qazanmaq üçün sadəcə kişi olması kifayətdir. Niyə kişilər, xüsusən də bank və avtomobil reklamlarında daha çox üstünlük qazanır? Bizim həyatımız və malımız kişilərdən soruşulur, amma onların fərdi haqları hər yerdə tanınır. Bəs qadın hüquqları nə zaman bərabərləşəcək?”
Bu açıqlama sosial şəbəkələrdə geniş müzakirələrə səbəb olub. Bir çox istifadəçi Evgarın çıxışını dəstəkləyərək, "Bu ölkənin Demet Evgar kimi sənətkarlara ehtiyacı var" və "Nə gözəl çıxışdır" kimi şərhlər yazıb.
