"Buna görə xəstəlik tutdum"

Aktrisa Ülfət Bəşir serial çəkilişlərində aktyor heyətinə verilən yeməklərin keyfiyyətsiz olması ilə bağlı açıqlama verib. O, "Xəbərin var?" verilişində çıxışı zamanı həmkarı Pərvin Abıyevanın eyni məsələ ilə bağlı səsləndirdiyi fikirləri təsdiqləyib.

Aktrisa bildirib ki, film və serial çəkilişləri zamanı aktyorlara gün ərzində əsasən kolbasa-çörək və ya makaron verilir. Bu səbəbdən o, artıq çəkilişlərə öz yeməyini aparır və verilən qidaları qəbul etmir.

Ülfət Bəşir illər əvvəl serial çəkilişləri zamanı məcburən bu yeməkləri yediyini və nəticədə mədə xəstəliyinə tutulduğunu qeyd edib. Aktrisa bu xəstəliyin uzun müddət müalicə tələb etdiyini vurğulayıb.