"Kurtlar Vadisi"nin Aktyoru Qarabağla Bağlı Film Çəkiləcəyini Açıqladı
Tanınmış türk aktyoru Ərtoğrul Şakar, "Sunqurlar" filminin davamı ilə bağlı maraqlı açıqlamalar verib. O, Qarabağ zəfəri haqqında film çəkməyi planlaşdırdığını bildirib. Eyni zamanda, "Kurtlar Vadisi"nin davamı ilə bağlı da açıqlama verən Şakar, rolu təklif olunsa, yenidən çəkilməyə hazır olduğunu söyləyib.
AsimanFərzəliyeva 
Türkiyənin məşhur aktyoru, "Kurtlar Vadisi" və "Sunqurlar" seriallarında məşhurlaşan Ərtoğrul Şakar, yeni layihəsi ilə bağlı vacib açıqlamalar verib. Aktyor, "Sunqurlar"ın davamı ilə bağlı hazırda heç bir plan olmadığını qeyd etsə də, bu layihə onun üçün önəmli olduğunu söyləyib. Ən əsas və dəyərli layihə isə Qarabağ zəfəri ilə bağlı film olacaq. O, bu film üzərində işlədiklərini və layihənin hazırlıq mərhələsində olduğunu açıqlayıb. Bundan əlavə, aktyor, "Kurtlar Vadisi"nin davamı ilə bağlı yayılan suallara cavab verərək, istehsalçı şirkətin qərarına uyğun olaraq həmin layihədə də yer almağa açıq olduğunu bildirib. Ərtoğrul Şakar, təklif olarsa, yenidən bu layihəyə qatılmaqdan çəkinməyəcəyini vurğulayıb.
