Əməkdar artist Cabir İmanov yol hərəkəti qaydalarını pozduğuna görə məhkəməyə verilib. Onun nəqliyyat vasitəsini idarə etmək hüququnun 6 ay və ya 1 il müddətinə məhdudlaşdırılması mümkündür.
Tanınmış aktyor, "Parni iz Baku" KVN komandasının üzvü, əməkdar artist Cabir İmanov məhkəməyə verilib. O, İnzibati Xətalar Məcəlləsinin 529.3-cü maddəsini pozduğu üçün nəqliyyat vasitəsini idarə etmək hüququndan 6 ay və ya 1 il müddətinə məhrum edilə bilər.
Qanunvericiliyə əsasən, yol hərəkəti qaydalarının pozulmasına görə inzibati cərimə qərarı qüvvəyə mindikdən sonra 3 ay ərzində icra olunmadıqda, sürücülük hüququ məhdudlaşdırıla bilər.
Cabir İmanovun işi Yasamal Rayon Məhkəməsinə göndərilib və 18 aprel tarixində hakim Rəşad Cavadzadənin sədrliyi ilə baxılacaq.
