Çağla Şikel gənc qalma sirrini açıqladı

Türkiyəli model və aparıcı Çağla Şıkel gənc qalmasının sirrini açıqlayıb. O, hər gün keçi südü, zəncəfil, bal və kokos qarışımından hazırlanan "qızıl süd" içdiyini bildirib.

Çağlanın sözlərinə görə, gənc görünməsinin digər səbəblərindən biri də kəllə-paça (xaş) şorbasıdır. Model hər axşam bu şorbadan içdiyini vurğulayıb.

O, həmçinin dərisinin sallanmasının qarşısını almaq üçün düyü suyundan hazırlanmış buzlardan istifadə etdiyini deyib. Bunun üçün yarım stəkan düyünü su ilə yuyub, üzərinə su əlavə edərək 15-30 dəqiqə gözləyir. Daha sonra həmin suyu süzüb buz qablarına tökərək buzxanada saxlayır. Bu buz parçaları ilə üzünü və dərisini masaj edir.

Çağla gün ərzində bol su içdiyini, meyvə-tərəvəzlə qidalandığını və yüngül makiyaj edərək dərisinin nəfəs almasına şərait yaratdığını da qeyd edib.

Qeyd edək ki, Çağla Şıkelin atası Qarsdan olan azərbaycanlıdır.