Cardi B: "Ayda 3 milyon dollar xərcləyirəm"

Məşhur rep ifaçısı Cardi B, son dövrlərdə maddi sıxıntı yaşadığı ilə bağlı yayılan iddialara münasibət bildirib. 80 milyon dollar sərvəti olduğu təxmin edilən 32 yaşlı amerikalı müğənni, iqtisadi vəziyyəti ilə bağlı maraqlı açıqlamalar verib.

Cardi B, üç uşaq anası olaraq aylıq xərclərini açıqlayıb və yayılan söz-söhbətlərə cavab verib. O, "Ayda təxminən 3 milyon dollar xərcləyirəm" deyə bildirib. Bu açıqlama, müğənninin maddi vəziyyəti ilə bağlı ətrafında yaranan narahatlıqlara son qoyub.

Bundan əlavə, məşhur müğənni bu il ona bir çox qastrol təklifi gəldiyini, lakin bunların hamısını rədd etdiyini açıqlayıb. Cardi B həmçinin hər şou üçün 1 milyon dollar təklif edildiyini və ümumilikdə 65 milyon dollar təklif gəldiyini bildirən bir iş meneceri ilə etdiyi yazışmaların ekran görüntüsünü sosial media hesabında paylaşıb.