Afflekin 5 milyonluq nişan üzüyü Jennifer Lopezdə qalacaq

Cennifer Lopez, Ben Afflek tərəfindən ona verilmiş təbii yaşıl almazdan hazırlanmış, 8,5 karat çəkisindəki nişan üzüyünü saxlayacaq. Bu üzük təxminən 5 milyon dollar dəyərindədir və iki bəyaz trapez formalı almazla əhatə olunub.

Cütlük, dörd ay yarım əvvəl Lopezin iki illik evliliyini bitirmək üçün boşanma ərizəsi verdikdən sonra, bu bazar ertəsi boşanma məsələsini həll ediblər. Lakin Lopez, üzüyü geri qaytarmağa niyyətli deyil.

"The Diamond Pro" şirkətinin direktoru Mayk Frid bildirib ki, belə ölçüdə yaşıl almaz inanılmaz dərəcədə nadirdir və bu cür üzük 5 milyon dollardan daha baha qiymətləndirilə bilər.

Afflek, Lopezin yaşıl rəngə olan sevgisini nəzərə alaraq, onun üçün bu nadir rəngdə olan daşı seçib. Bir mənbənin verdiyi məlumata görə, Lopez üzüyü özündə saxlayacaq və heç bir vicdan azabı hiss etmir.