Conni Depp və rusiyalı model Yuliya Vlasovanın münasibətləri başa çatdı
Hollivud ulduzu Conni Deppin 26 yaşlı rusiyalı model Yuliya Vlasova ilə münasibətləri bitib. Cütlük 2024-cü ilin yayında birlikdə çəkilən fotolarla gündəmə gəlmişdi, lakin aktyorun nümayəndələri onun hazırda subay olduğunu və heç kimlə romantik münasibətdə olmadığını açıqlayıblar.
AsimanFərzəliyeva 
Yuliya Vlasova sosial şəbəkələrdə aktyorla əlaqələrinə eyhamlar vurmuş və onlarla birgə fotolar paylaşmışdı. O, noyabr ayında nişanlandığını bəyan etsə də, gələcək həyat yoldaşının kimliyi ilə bağlı heç bir məlumat verməyib.
Eyni zamanda, Qərb mediasında Deppin ispan model Cess Bordyu ilə yeni bir əlaqədə olduğu barədə xəbərlər yayılsa da, bu iddialar aktyorun komandası tərəfindən təkzib edilib.
Hazırda Yuliya Vlasova Moskvada yaşayır, brilyant qiymətləndirməsi təhsili alır və gələcəkdə həm Rusiyada, həm də Fransada yaşamağı planlaşdırır. Modelin şəxsi həyatına dair digər təfərrüatlar hələlik açıqlanmayıb.
