Cəzaları Bəlli oldu
Türkiyəli müğənni Sərdar Ortaç və aparıcı Mehmet Ali Erbil qanunsuz mərc oyunlarını təşviq etməklə ittiham olunaraq həbs edilib. Onların arasında keçmiş futbolçu Batuhan Karadeniz və sosial media fenomenləri də yer alır. İstintaq davam edir və cəzaların məbləği açıqlanıb.
D.Sadi 
Türkiyənin məşhur müğənnisi Sərdar Ortaç və aparıcı Mehmet Ali Erbil qanunsuz mərc oyunlarına təşviq etmə ittihamı ilə saxlanılıb. Onlar, digər şübhəlilərlə birlikdə, İstanbulda keçirilən əməliyyat zamanı 20 nəfərlik şübhəli qrupu təşkil edirlər. Ortaç və Erbil məhkəməyə çıxarılaraq, Ortaç ev dustaqlığı şərti ilə sərbəst buraxılıb.
Məhkəmə prosesi zamanı, Mehmet Ali Erbil, polislə aparılarkən yaxınlarına "Həbs olundum" deyərək məlumat verib. Saxlanılan digər məşhur şəxslər arasında keçmiş futbolçu Batuhan Karadeniz və sosial media fenomenləri İbrahim Yılmaz, Muzaffer Zorbey Erkoçlar və Sefa Caner Sarıçam da var.
Türkiyədə qanunsuz mərc oyunlarına görə tətbiq edilən cəzalar arasında 3 ildən 5 ilədək həbs və yüksək cərimələr nəzərdə tutulub. Hazırda digər şübhəlilərin axtarışları davam edir.
