Dilan Polat Engin Polatla ayrıldığını elan etdi-FOTO
Türkiyəli fenomen Dilan Polat həyat yoldaşı Engin Polatla ayrılmaq qərarına gəldiyini açıqlayıb. O, sosial media paylaşımında münasibətlərinin hər iki tərəfə ziyan verdiyini bildirib. Cütlüyün adı son zamanlar müxtəlif hüquqi məsələlərlə gündəmə gəlib.
AsimanFərzəliyeva 
Məşhur türkiyəli fenomen Dilan Polat həyat yoldaşı Engin Polatla ayrıldığını elan edib.
O, sosial şəbəkə hesabında paylaşım edərək, münasibətlərinin artıq hər iki tərəfə mənfi təsir etdiyini bildirib:
"Deməli, yan-yana olanda bir-birimizə zərər veririk. Həyat yoldaşım Engin Polatla yolları ayırmaq qərarına gəldim. Sadəcə, uzaqlaşmaq istəyirəm. Hamıdan və hər şeydən. Heç birinizə haqqımı halal etmirəm. Hər şeyimi əlimdən aldınız: həyat sevincimi, həvəsimi, hər şeyimi..."
Qeyd edək ki, cütlük bir müddət əvvəl çirkli pulların yuyulması ittihamı ilə açılmış cinayət işi ilə gündəmə gəlmişdi.
Bundan əlavə, onların hər ikisi haqqında narkotik vasitələrin istifadəsi ilə bağlı yeni araşdırma başladılıb. Engin Polat açıqlamasında özlərinin və həyat yoldaşının izahatı alındıqdan sonra sərbəst buraxıldıqlarını bildirib. O, baş verənləri ailələrinə qarşı yönəlmiş qarayaxma kampaniyası kimi qiymətləndirib.
Xatırladaq ki, cütlük yaxın günlərdə üçüncü övladlarının dünyaya gələcəyini açıqlamışdı.
