Dilan və Engin Polat Cütlüyü Üçün 40 ilə Qədər Həbs Tələbi
Türkiyənin məşhur cütlüyü Dilan və Engin Polata qarşı "vergi qanununun pozulması" istintaqı tamamlanıb. İddianamədə Engin Polat üçün 40 il, Dilan Polat üçün isə 16 ilə qədər həbs cəzası tələb edilir.
AsimanFərzəliyeva 
Türkiyənin tanınmış simaları Dilan və Engin Polat cütlüyünə qarşı "vergi proseduru qanununu pozmaq" və "saxta hesab-fakturalar hazırlamaq" ittihamları irəli sürülüb.
Aparılan araşdırmalar zamanı məlum olub ki, Dilan Polat 2 şirkətdə səlahiyyətli şəxs kimi fəaliyyət göstərib, Engin Polat isə 5 müxtəlif şirkəti idarə edib. İttihama əsasən, Dilan Polatın 16 ilə, Engin Polatın isə 40 ilə qədər həbs cəzası istənilir.
Həmçinin Polat ailəsinə aid 15 şirkətdə aparılan təftiş nəticəsində 510 milyon lirə dövlət itkisi müəyyən olunub. Bu səbəbdən, cütlüyün ciddi hüquqi sanksiyalarla üzləşməsi gözlənilir.
