"Efirə çıxmaq istəmirəm!"

Müğənni Mətanət Əsədova qonaq olduğu proqramda bəzi aparıcılara sərt irad bildirib. O, aparıcıların reytinq üçün müğənnilər arasında nifaq saldığını və onların bir-birinə qarşı qızışdırıldığını vurğulayıb.

“Hıçqıra-hıçqıra oxuyanlara sənətkar deyirlər. Aparıcı efirdə deyir ki, bilirsiniz bu müğənninin nələri var? Sənə nə var? Nəyi varsa onundur. Niyə o müğənniyə yaltaqlanırsan?" – deyə müğənni narazılığını ifadə edib.

M. Əsədova aparıcıların verilişlərdə müğənniləri bir-birinə qarşı qoyduğunu və bu cür davranışların iyrənc olduğunu qeyd edib: "Bu insanları efirdə aşağılamaq doğru deyil. Ona görə də efirlərə çıxmaq istəmirəm. Belə yanaşmalar bizi iyrəndirir".

Müğənni bildirib ki, aparıcılıqdan anlayışı olmayan şəxslər müğənniləri bir-birinə qarşı qızışdırır: "Bu cür hallar məni narahat edir. Aparıcılar aranı qarışdırıb müğənniləri məhkəməyə qədər gətirirlər. Bu, doğru yanaşma deyil".