Şəhriyar Əbilov: "Bayağı aparıcılara şapalağı vurub gedərəm"

Aparıcı Şəhriyar Əbilov "Günə bax" proqramında maraqlı açıqlamalar verib. O, son zamanlar özünü rahat hiss etmədiyi verilişlərə getmədiyini və hər aparıcının qarşısına çıxmağın doğru olmadığını vurğulayıb. "İnkişaf etdikcə, tanındıqca ehtiyat edirsən. Hər aparıcının qarşısına çıxmaq, hər verilişə getmək, hər qonaqla oturmaq olmaz. Əvvəl hara çağırırdılar gedirdik", - deyə o bildirib.

Əbilov, reytinq məsələsinin çox ucuzlaşdığını da qeyd edərək, özünü daha keyfiyyətli materiallarla əhatə etmək istədiyini bildirib. "İndi isə söhbət mənim harada özümü rahat hiss etməyimdən gedir. Aparıcıda mənim xarakterimə uyğun material olmalıdır. Qarşıma aparıcı bayağı nəsə qoysa, şapalağı vurub gedərəm. Heç vecimə də deyil", - deyə o əlavə edib.

Bu açıqlamalar Şəhriyar Əbilovun verilişlərə və aparıcılara qarşı sərt münasibətini bir daha ortaya qoyub.