Elayca Vud gizli şəkildə evləndi-FOTO
Məşhur Hollivud aktyoru Elayca Vud danimarkalı prodüser Mette-Marie Konqsved ilə rəsmi nikaha girib. Cütlük mərasimi gizli keçirdiyi üçün toyun dəqiq tarixi məlum deyil.
AsimanFərzəliyeva 
"Üzüklərin Hökmdarı" trilogiyasındakı Frodo Baqqins rolu ilə tanınan aktyor Elayca Vud uzun müddətdir birlikdə olduğu danimarkalı prodüser Mette-Marie Konqsved ilə evlənib.
Cütlüyün nikah şəhadətnaməsini əldə edən mənbələr bildirir ki, onlar evlilik mərasimini gizli şəkildə təşkil ediblər. Toyun dəqiq tarixi açıqlanmasa da, bəzi mənbələr mərasimin Yeni il ərəfəsində İsveçdə baş tutduğunu iddia edir. Tədbirdə yalnız 80-ə yaxın yaxın dost və ailə üzvləri iştirak edib.
Elayca Vud və Mette-Marie Konqsved 2017-ci ildən birlikdədirlər və onların 2019-cu ildə dünyaya gələn bir övladı var.
