Xalq artisti Alim Qasımov özünə dair arzularını bölüşüb. Sənətçi sevdiklərinin onun ölümündən sonra kədərlənməməsini, əksinə, gözəl xatirələrlə xatırlamalarını istəyir.
Xalq artisti Alim Qasımov öz həyatına və gələcəyə dair arzularını açıqlayıb. Məşhur xanəndə verdiyi müsahibədə sevdiklərini həmişə xoşbəxt və şən görmək istədiyini bildirib.
“Mən müsəlman kimi dünyamı dəyişmək istəyirəm. Dünyadan köçəndən sonra isə yaxınlarımın ağlamasını yox, gözəl günlərimizi xatırlayıb sevinmələrini arzulayıram. Çünki hamımız bir gün gedəcəyik. Ölüm isə insanı bütün problemlərdən, ağrılardan azad edir,” – deyə Alim Qasımov vurğulayıb.
Sənətçinin bu səmimi açıqlamaları izləyicilər arasında geniş müzakirələrə səbəb olub.
