Ferdi Tayfurun Dəfnində Qalmaqal - FOTO

79 yaşında dünyasını dəyişən türkiyəli məşhur sənətçi Ferdi Tayfurun dəfn mərasimi 4 dekabrda baş tutub. Mərasimə MHP sədri Dövlət Bağçalı, mədəniyyət və turizm naziri Mehmet Nuri Ersoy, İstanbul valisi Davud Gül və digər tanınmış simalar qatılıb. Lakin mərasim zamanı gərgin anlar yaşanıb. Tayfurun küsülü olduğu qızı Tuğçe Tayfur ilə atasının həm qardaşı oğlu, həm də meneceri olan Şirin Gözalıcı arasında tabutun başında mübahisə baş verib. Şirin Gözalıcı Tuğçəyə qarşı "Sən bura gəlməyəcəksən. Sənə görə öldü" deyərək qışqırıb, nəticədə Tuğçe ağlamağa başlayıb. Həmin anlar videoya çəkilib, və həmin görüntülərdə ikisi arasında qarşılıqlı söyüşlər də yer alıb.