Filmləri Rusiyada Rekord Gəlir Əldə Etdi
"Rüzgara bırak" filmi Rusiyada böyük uğur qazanıb. 5 həftə ərzində 594 min tamaşaçı toplayan ekran işi 3 milyon 102 min 499 dollar gəlir əldə edərək ilin ən çox gəlir gətirən filmləri siyahısında 6-cı yerə yüksəlib.
AsimanFərzəliyeva 
Türkiyəli aktyorlar Hande Erçel və Barış Arduçun baş rollarını paylaşdığı "Rüzgara bırak" filmi Rusiyada böyük uğur qazanıb. Film "İlin ən çox gəlir gətirən filmləri" siyahısında 6-cı yeri tutub.
Ekran işi nümayişinin 5-ci həftəsində 594 minə yaxın tamaşaçı tərəfindən izlənilib və 3 milyon 102 min 499 dollar (114 milyon TL) gəlir əldə edib.
Bundan əlavə, film Rusiyanın ən böyük rəqəmsal platforması olan İVİ-nin onluq siyahısında 2 həftədir ki, 1-ci yerdə qərarlaşıb.
Qeyd edək ki, Hande Erçel və Barış Arduç bir müddət əvvəl filmin qalası üçün Moskvaya səfər etmişdilər.
