Azərbaycanın Xalq artisti Ənvər Həsənov vəfat edib. Bu barədə onun ailə üzvləri məlumat verib.
Qeyd edək ki, Ənvər Həsənov yanvarın 10-da səhhətinin pisləşməsi səbəbi ilə Xəzər Tibb Mərkəzinin Terapiya şöbəsinə hospitalizasiya olunmuşdu. Ona dəqiqləşdirilməmiş anemiya diaqnozu təyin edilərək ilkin tibbi yardım göstərilmişdi.
Yanvarın 17-də vəziyyəti ağırlaşan sənətkar Reanimasiya şöbəsinə köçürülüb və ona kəskin işemik insult diaqnozu qoyulub. Yanvarın 18-də vəziyyəti stabilləşdiyi üçün Nevrologiya şöbəsinə yerləşdirilən Xalq artisti, fevralın 3-də Reabilitasiya Mərkəzindən evə buraxılmışdı. Təəssüf ki, sənətkar bu gün dünyasını dəyişib.
