"Gerçək Acını Sən Yaşatdın Mənə"

Müğənni Xatun Əliyeva mərhum qardaşı, stilist Balaşı anaraq sosial media hesabında duyğusal paylaşım edib. O, qardaşının ölümündən 4 il keçdiyini bildirərək, onun yoxluğunun həyatında böyük bir boşluq yaratdığını vurğulayıb.

"Zaman bir göz qırpımında necə keçdi? Sən gedəli ürəyimi, canımı itirdim. Həyatımda ilk dəfə 4 il əvvəl gerçək acını sən yaşatdın mənə. Məni qoyub getdiyin üçün sənə qırğınam. Səndən küsmüşəm... Mən indi başımı kimin çiyninə qoyub ürəkdən ağlayım? Qolumu, qanadımı sınıdırıb getdin. Cənnətdəsən, bilirəm. Yatdığın yer incitməsin səni..." – deyə sənətçi qardaşı haqqında yazıb.

Qeyd edək ki, Xatunun qardaşı Balaş 2021-ci ildə xərçəng xəstəliyindən vəfat edib.