"Avroviziya 2025"-də Mahnı Qalmaqalı

İtaliyanın istehlakçı hüquqları təşkilatı "Codacons", Estoniyanın "Avroviziya 2025" təmsilçisi Tommi Keşin "Espresso Macchiato" mahnısının müsabiqədə ifa edilməsinə qarşı çıxıb və onun qadağan olunmasını tələb edib.

İngilis və italyan dillərinin qarışığından ibarət olan mahnının mətni mübahisələrə səbəb olub. Mahnıda həzzlərlə dolu bir həyat təsvir edilir və "həftədə yeddi gün işləyən", qəhvə həvəskarı olan zəngin bir insandan bəhs olunur. Sözlər arasında "mafioz kimi tərləyir" və "həyat spagetti kimidir: onu bişirənə qədər sərtdir" kimi ifadələr yer alır.

Mahnının məzmunu və ifadələri bəzi dairələr tərəfindən tənqid edilib və "Codacons" təşkilatı rəsmi şəkildə Avroviziya təşkilatçılarına müraciət edib. Hazırda məsələ ilə bağlı müsabiqə rəhbərliyinin rəsmi mövqeyi gözlənilir.