Gənc şair Həsən Kür komadadır-FOTO
Ağır xəsarətlərlə xəstəxanaya yerləşdirilən azərbaycanlı şair Həsən Kürün vəziyyəti kritik olaraq qalır. O, süni tənəffüs aparatına qoşulub və hələ də komadadır. Həkimlər onun vəziyyətinin sabit, lakin ağır olduğunu bildirirlər. Sabah şairin durumunu qiymətləndirmək üçün əlavə tibbi müayinələr aparılacaq.
AsimanFərzəliyeva 
Azərbaycanlı gənc şair Həsən Kür ağır vəziyyətdə xəstəxanaya yerləşdirilib. Hazırda süni tənəffüs aparatına qoşulan şairin səhhəti stabil, lakin kritik olaraq qalır.
Həkimlərin verdiyi məlumata görə, o, huşunu tədricən bərpa etsə də, hələ də tam şüurlu deyil və komadadır. Həkim anestezioloq-reanimatoloq Leyla Mərcanın sözlərinə görə, Həsən Kür ağciyər kontuziyası, qabırğa sınıqları və beyin ödəmi səbəbindən süni tənəffüs aparatına ehtiyac duyur. Beyində qanamalar davam edir və tam sovrulmayıb.
Şairin vəziyyətini daha dəqiq qiymətləndirmək üçün sabah kontur kompüter tomoqrafiyası aparılacaq. Nəticələrə əsasən, əməliyyata ehtiyac olub-olmadığı müəyyən ediləcək.
Xatırladaq ki, fevralın 22-də Həsən Kür "Sevinc Mall" ticarət mərkəzinin üçüncü mərtəbəsindən özünü ataraq intihara cəhd edib. O, qapalı kəllə-beyin travması, bud sümüyünün qapalı sınığı və kəllə sümüyünün zədələnməsi diaqnozu ilə xəstəxanaya yerləşdirilib. Hazırda cərrahi reanimasiya şöbəsində müalicəsi davam etdirilir.
