Məşhur türk müğənni və aktyor Özcan Deniz yaxın günlərdə ürək əməliyyatı olunacaq. Sənətçinin ürəyinə üç stend qoyulacaq və o, səhhəti ilə bağlı fəaliyyətinə müvəqqəti fasilə verəcək.
Türkiyəli məşhur müğənni və aktyor Özcan Deniz yaxın günlərdə ürək əməliyyatı keçirəcək.
Məlumata görə, sənətçinin ürəyinə üç stend qoyulacaq. "Magazin Bahane" adlı YouTube layihəsinin aparıcıları Gökay Kalaycıoğlu və Hakan Solaker bu xəbəri təsdiqləyiblər.
Özcan Denizin həkimi Bingür Sönmezin qərarına əsasən, sənətçi səhhəti ilə əlaqədar fəaliyyətinə müvəqqəti ara verəcək. Əməliyyatdan sonra onun qısa müddətdə xəstəxanadan evə buraxılacağı bildirilir.
Bununla yanaşı, aktyorun rol aldığı "Kızıl Goncalar" serialının çəkilişləri də müvəqqəti olaraq dayandırılacaq.
Qeyd edək ki, Özcan Deniz ailədaxili problemlər səbəbindən daha əvvəl infarkt keçirmişdi.
.png){kind=small}
