Halit Ergenç və Rıza Kocaoğlunun 4 ilə qədər həbsi istənildi
Məşhur aktyorlar Halit Ergenç və Rıza Kocaoğlu Gezi Parkı etirazları ilə bağlı aparılan istintaqda yalan ifadə verməkdə ittiham olunurlar. Prokurorluq onların 2 ildən 4 ilə qədər həbsini tələb edir.
AsimanFərzəliyeva 
Türkiyəli məşhur aktyorlar Halit Ergenç və Rıza Kocaoğlu Gezi Parkı etirazları ilə bağlı aparılan istintaqda yalan ifadə verməkdə ittiham edilirlər.
Türk mediasının məlumatına görə, prokurorluq onların 2 ildən 4 ilə qədər həbs olunmasını tələb edib. İstanbul Cumhuriyyət Başsavcılığı tərəfindən hazırlanan ittihamnamədə aktyorların Gezi Müqaviməti zamanı Memet Ali Alabora ilə əlaqədə olduqlarını gizlətdikləri iddia edilir.
İttihamnamədə təqdim olunan fotoşəkillər və HTS qeydləri, xüsusilə Halit Ergençin həmin dövrdə Alabora ilə 12 dəfə əlaqə saxladığını göstərir. Sənəd hazırda İstanbul Məhkəməsinə təqdim olunub və prosesin davamı gözlənilir.
