Hollivud ulduzu sevgilisinə 500 min dollar verdi

Hollivud ulduzu Conni Depp, rusiyalı sevgilisi Yuliya Vlasovaya 500 min dollar verərək, onun zərgərlik biznesini qurmasına kömək edib. Rus mediasına görə, cütlük bir müddət əvvəl ayrıldığını açıqlamışdı, lakin hazırda birlikdə olduqları və Rusiya paytaxtında ortaq bir iş qurmağa qərar verdikləri bildirilib.

Yuliya Vlasova, Moskvaya gəldikdən sonra həyatında yeni bir mərhələyə daxil olduğunu açıqlamış, daha sonra isə ayrılıq barədə işarələr vermişdi. Lakin bu günə qədər münasibətlərinin davam etdiyi və yeni bir biznes planı üzərində işlədikləri məlum olub.

"Mash" teleqram kanalının məlumatına görə, Depp sevgilisinə, Yakut almazlarından hazırlanan elit zinət əşyalarını satacağı bir zərgərlik mağazası açması üçün 500 min dollar sərmayə qoyub. Yuliya, butiki özü idarə edəcək. O, Praqa Universitetində təhsil aldıqdan sonra Çexiyanın paytaxtında açdığı gözəllik biznesini satıb və sonra Moskva Dövlət Universitetində qiymətli daşların qiymətləndirilməsi üzrə xüsusi kursa qatılıb.