"İfam xoşuna gəldi, mənə konvert göndərdi"

Müğənni Cavid Məmmədov Ukraynada iştirak etdiyi səs yarışması zamanı yaşadığı çətinliklərdən danışıb. O, "Efirdən kənar" verilişində bildirib ki, həmin dövrdə maliyyə problemləri olub və bu çətinliklərin öhdəsindən gəlmək üçün dəstəyə ehtiyacı yaranıb.

Onun sözlərinə görə, işlədiyi restorana tanınmış iş adamı Qod Nisanov qonaq gəlib və onun ifasını dinləyib:

"Həmin vaxt büdcə baxımından çətinlik çəkirdim. Sadəcə bir mahnı oxuya bildim. İfamı bəyəndi, köməkçiləri mənə bir konvert gətirdi. Açanda gördüm ki, Ukraynada ev kirayələməkdən tutmuş, bilet almağa və hətta Gəncədəki bəzi problemlərimi həll etməyə yetəcək qədər məbləğ var."

Cavid Məmmədov Qod Nisanovun bu jestini heç vaxt unutmayacağını vurğulayıb.