İkonik Qılınc Yaponiyada Satışdan Çıxarıldı

Yaponiyada "Warner Bros" şirkəti, "Harri Potter" dünyasından olan məşhur "Qodrik Qriffindor"un ikonik qılıncını satışdan çıxarmağa məcbur olub. Bu qərar, Yaponiya polisi tərəfindən qılıncın əsl silah sayılması səbəbindən verilib.

Məlumatlara görə, "Hogvarts" bıçağının bu suvenir versiyası, film seriyasına aid dəstlər, kostyumlar və aksessuarların satıldığı bir mağazada 30 min yenə (təxminən 314 manat) qiymətində təklif olunurdu. Paslanmayan poladdan hazırlanan, iti olmayan qılıncın uzunluğu isə 86 santimetrdir.

Yaponiya polisi, bu əşyanın Yaponiyanın Odlu Silahlara və Qılınclara Nəzarət Qanununa uyğun olaraq əsl silah sayıldığını bildirərək, onun satışını dayandırıb. Müstəntiqlər, yalnız müvafiq lisenziyaya sahib olan şəxslərin bu tip suveniri əldə edə biləcəyini qeyd ediblər.