Rüfət anasının ağır vəziyyətindən danışdı

Meyxanaçı Rüfət Nasosnu anasının ağır vəziyyətindən danışıb. Sənətçi, "Elgizlə izlə" verilişində anasının sağlamlıq problemlərindən bəhs edib və bildirib ki, anası diabetdən əziyyət çəkir. Onun sağ ayağı pəncədən amputasiya edilib. Rüfət Nasosnu evə anasını aparmaq istəsə də, həkim mikrob düşmə riski olduğu üçün buna qarşı olub. Lakin evə aparıldıqdan sonra mikrob düşüb və vəziyyət daha da çətinləşib. Sənətçi, iki ay ərzində vəziyyətin dəyişmədiyini və hələ də hər şeyin yenidən başladığını vurğulayıb. O, anasının ağrılarının ona da təsir etdiyini bildirib.