İlon Mask "Liverpul"u almağı planlaşdırır

Dünyanın ən zəngin insanı İlon Maskın, İngiltərənin Premyer Liqasında yer alan köklü futbol klubu "Liverpul"u 6 milyard funt sterlinqə almağı planlaşdırdığı bildirilir.

Hazırda Premyer Liqanın lideri olan "Liverpul"un bazar dəyəri təxminən 970 milyon avro təşkil edir. Bu məbləğə qarşılıq Mask, klubun sahibi olmağı hədəfləyir.

İlon Maskın bu cəhdinin hansı mərhələdə olduğu və planların necə reallaşacağı barədə əlavə məlumat verilməsə də, bu addımın futbol dünyasında böyük marağa səbəb olacağı gözlənilir.