İrem Derici lunatizmdən əziyyət çəkdiyini açıqladı

Türkiyəli məşhur müğənni İrem Derici Adanada konsert üçün qaldığı oteldə bədbəxt hadisə ilə üzləşib. Axşam saatlarında baş verən hadisədə sənətçi yuxuda gəzərkən divara çırpılıb və başı yerə dəyib. Nəticədə təcili yardım çağırılıb və Derici dərhal xəstəxanaya çatdırılıb.

Hadisənin detallarını Bebekdə jurnalistlərə açıqlayan İrem bunları söyləyib:
"Konsert günü bədbəxt hadisə yaşadıq. Dodağıma baxın, başım da şişib. Mən yuxuda gəzirəm. Evimdən kənarda qaldığım zaman divarlara və ya başqa bir şeyə çırpıla bilərəm. Təcili yardım gəldi, xəstəxanaya getdim. Heç bir ciddi problem yoxdur dedilər. Ancaq lunatizmdən müalicə olunacağam."

Sənətçinin bu etirafı pərəstişkarları arasında narahatlıq doğurub, lakin o, vəziyyətinin ciddi olmadığını bildirib.