Xalq artisti Gülyaz Məmmədova keçmiş kənd həyatından danışıb. O, tütün və baramaçılıqla məşğul olduğu günləri xatırlayaraq, Bakıya gəlişinin asan olmadığını bildirib.
Xalq artisti Gülyaz Məmmədova maraqlı açıqlaması ilə gündəmə gəlib.
Müğənni "El canlı" verilişində "Nə zamansa hər şeyi atıb kəndə qayıtmağı düşünürsünüzmü?" sualına cavab verərək, kənd həyatına geri dönməyəcəyini bildirib:
"Güclə Bakıya gəlib çıxmışam. Tütünün, baramanın içindən qaçıb gəlmişəm. Kəndimizin camaatı, bağışlayın, amma geri qayıda bilmərəm. Yenə də kəndimizi və o günləri xatırlayıram. İnsan uşaqlığını çox axtarır. O dövrdə kolxoz həyatı var idi, hamı tütün yığırdı, mən isə əlimi qulağıma qoyub mahnı oxuyurdum."
Müğənninin bu açıqlaması sosial mediada geniş müzakirələrə səbəb olub.
