"Bu, xəyanətdir"-FOTOLAR

Müğənni Aysun İsmayılova şəxsi həyatı ilə bağlı səmimi açıqlamalar verib.

Sənətçi sosial mediada izləyicilərdən gələn sualları cavablandırıb. Bir müddət əvvəl vəkil Ramil Vəliyevdən ayrıldığını açıqlayan Aysun, "İkinci dəfə şans vermək olar?" sualına belə cavab verib:

"Pislərə davamlı şans vermək, yaxşılara xəyanətdir."

O, "Qarşınıza düzgün biri çıxsa yenidən ailə qurarsınız?" sualına isə bu sözlərlə münasibət bildirib:

"Düzgün biri çıxsa! Bunu düşünmək çox tezdir, çünki mənim övladım var. Amma mən ailə insanıyam. Yəni sevgili həyatı mənə görə deyil."

İsmayılova "Yenidən ailə həyatı qursanız, qınanılmaqdan qorxmursunuz?" sualına isə belə cavab verib:

"Həyatımı kimlərəsə görə yaşamıram. Həyata bir dəfə gəlirəm. Həyat mənimdir, necə istəsəm, elə də yaşayaram. Heç kim buna qarışa bilməz. O qınayanların həyatında bir bilsəniz nələr baş verir."

Qeyd edək ki, Aysun İsmayılova iki dəfə ailəli olub və ikinci evliliyindən bir qız övladı dünyaya gəlib.