Lana Del Reyin Gizli Toyu-FOTOLAR
Müğənni Lana Del Rey və Luiziana bələdçisi Ceremi Düfrenin gizlincə keçirilən toy mərasimindən ilk fotoşəkil sosial şəbəkələrdə yayıldı. Dəbdəbəli gəlinlik və toy məkanı barədə maraqlı detalları təqdim edirik.
AsimanFərzəliyeva 
39 yaşlı amerikalı bəstəkar və müğənni Lana Del Rey, Luiziana bələdçisi və timsah ovçusu olan 56 yaşlı Ceremi Düfrenlə gizlincə evlənib. Toy mərasimindən ilk fotoşəkil sosial şəbəkələrdə yayıldı.
Müğənninin xüsusi olaraq yaratdırdığı gəlinliyi, "CINQ" brendinin dizaynerləri tərəfindən hazırlanıb və sosial mediada da paylaşım edilərək diqqətə çatdırılıb.
Gəlinlik, Lana Del Reyin xahişi ilə tərtib edilib və hər bir detal onun şəxsiyyətini əks etdirib. Dizaynerlər, bu təcrübənin özləri üçün unudulmaz olduğunu qeyd edərək, gəlinliyi yaratmaqdan böyük məmnuniyyət duyduqlarını ifadə ediblər.
Lana Del Rey və Ceremi Düfren 4 il əvvəl tanış olublar. Cütlük, sentyabr ayında gizlincə evlənərək yeni həyatlarına addım atıblar. Bu, Lananın birinci, Cereminin isə ikinci evliliyidir.
