Melis İşiten xəyanətə məruz qaldığını etiraf etdi
Məşhur aktrisa Melis İşiten keçmiş münasibətlərindən danışaraq xəyanətə məruz qaldığını açıqlayıb. Onun sözləri sosial mediada müzakirələrə səbəb olub və keçmiş həyat yoldaşı Uraz Kaygılaroğlunun xəyanət edib-etmədiyi sual doğurub.
AsimanFərzəliyeva 
Aktrisa Melis İşiten YouTube proqramında keçmiş münasibətləri ilə bağlı səmimi etiraflar edib. O, əvvəllər xəyanətə məruz qaldığını bildirərək, bu barədə maraqlı açıqlamalar verib.
2014-cü ildə aktyor Uraz Kaygılaroğlu ilə ailə quran İşitenin bu evlilikdən Ada adlı bir qızı dünyaya gəlib. Lakin cütlük 2019-cu ildə yollarını ayırıb. Ayrılmalarına baxmayaraq, onların dostluq münasibətini qoruduqları bildirilib.
Aktrisa Oya Çınarın YouTube proqramında boşanma prosesi haqqında danışaraq maraqlı bir məqamı vurğulayıb:
"Boşanma zamanı məndən daha böyük məşhurlardan ‘Köməyə ehtiyacın varmı?’ kimi mesajlar alırdım.”
Bundan əlavə, o, xəyanətə uğradığını da etiraf edib:
"Çox qəribə və gülməli aldadılma hekayələrim var. Bu münasibətdə necə qaldığımı indi başa düşə bilmirəm."
Melis İşitenin bu sözləri sosial mediada müzakirələrə səbəb olub. İzləyicilər arasında onun xəyanətə məruz qaldığı şəxsin keçmiş həyat yoldaşı Uraz Kaygılaroğlu olub-olmadığı ilə bağlı suallar yaranıb. Lakin aktrisa bu barədə konkret ad çəkməyib.
Məsələ ilə bağlı Kaygılaroğlu hələlik heç bir açıqlama verməyib.
